ပုန်းရည်ကြီးထုတ်လေးတွေ ရှိနေတာရော ဟင်းချက်ပျင်းလှတာရယ် ပေါင်းပြီး ၀က်သားပုန်းရည်ကြီး ချက်စားပါတယ်။ ရောချက်လုံးချက်မို့ အဆင်ပြေတယ်နော်။ ၀က်သားကို အဆီအခေါက်မပါ အသားကြီးပဲ ချက်ထားပါတယ်။ နှစ်သက်ကြမှာပါနော်။
ဝက်သား ၂၅ကျပ်သားကို ဆားစားပွဲတင်ဇွန်းတ၀က် ပဲငံပြာရည်အကြည် စားပွဲတင်ဇွန်း ၂ဇွန်းနှင့် အသားထဲစိမ့်ဝင်အောင်နယ်ပြီး မိနစ် ၂၀ခန့်ထားပါ။ ပုန်းရည်ကြီး အထုတ်သေး ၂ထုတ် ကြက်သွန်နီ ၂ဥပါးပါးလှီး ငရုတ်ပွ ၂တောင့်ရေစိမ်ပြီးထောင်း ဂျင်းလက်တဆစ်ခန့်ထောင်းထည့် ဆီဟင်းခတ်ဇွန်း ၁ဇွန်းရောထည့်ပါ။
အရည်များခန်းအောင်ထိလုံးပါ။ ရေကို ၀က်သားမြုပ်ရုံထည့် မီးအသင့်အတင့်နှင့် ချက်ပါ။ ရေခန်းခါနီးလျှင် အသားနူးမနူးမြည်းပါ။ အသားမနူးသေးလျှင် ရေအနည်းငယ်ချင်းထည့် ချက်ပါ။ ပုန်းရည်ကြီးအိုးကပ်မသွားစေရန် မွှေပေးပါ။
ဆီပြန်ပြီဆိုလျှင် ၀က်သားပုန်းရည်ကြီးချက်လေး ရပါပြီနော်။ မိတ်ဆွေများအားလုံးပဲ နှစ်သက်နိုင်ကြပါစေ။
ချစ်မိတ်ဆွေများအားလုံး စိတ်၏ချမ်းသာခြင်း ကိုယ်၏ကျန်းမာခြင်းများနှင့် ပြည့်စုံနိုင်ကြပါစေရှင်။
စု
