ဒီဟင်းလေးကတော့ ဟိုးအရင် ဘလော့စတုန်းက ရေးဖူးပါတယ်။ မကြာမကြာချက်ဖြစ်တဲ့ ဟင်းလေးပါပဲ။ ကြက်သား ၀က်သားများနဲ့လဲ ချက်စားလို့ရပါတယ်။ ဒီတခေါက်တော့ ငါးဖယ်လေးနဲ့ ချက်ထားပါတယ်။ ငရုတ်ပွနံ့မွှေးမွှေး ငါးဖယ်လေးတထုတ်ထုတ်နဲ့ အရမ်းစားကောင်းလွန်းလို့ ချက်စားကြည့်ဖို့ တိုက်တွန်းလိုက်ပါတယ်နော်။
ငါးဖယ် ၁၀သားကို ဆားလက်ဖက်ဇွန်း ၁ဇွန်း ဂျင်းလက်တဆစ်ခန့်ထည့် မာနေအောင်ထောင်းပါ။ သီဟိုစေ့ ၅စေ့ခန့်ကို ပိုင်းဖြတ် ကြက်သွန်မြိတ် ၁ပင် နုတ်နုတ်စင်းပြီး ငါးဖယ်ထောင်းထဲရောနယ်ပါ။
ငရုတ်ပွ ၁လုံးကို ၆စိတ်စိတ်ပြီး အစေ့များထုတ် ရေဆေးထားပါ။ နယ်ထားသောငါးဖယ်များ အနေတော် အစာသွတ်ပြီး corn flour ဖြူးပါ။
ဆီများများထဲတွင် အစာသွတ်ထားသော ငါးဖယ်များဘက်မှောက်ကာ မီးအသင့်အတင့်နှင့် ၃မိနစ်ခန့်ကြော်ပြီး ဆယ်ထားပါ။
ပဲငံပြာရည်စားပွဲတင်ဇွန်း ၂ဇွန်း သကြားစားပွဲတင်ဇွန်း ၁ဇွန်း ငရုတ်တောင့် ၃တောင့်ပါးပါးညှပ် ရေဟင်းခတ်ဇွန်း ၁ဇွန်းရေမွှေထားပါ။
ကြော်ထားသောဆီကို စားပွဲတင်ဇွန်း ၁ဇွန်းစာချန်ပြီး ငရုတ်ပွများဘက်မှ စီထားပါ။ ရောမွှေထားသော ပဲငံပြာရည် အရောကို လောင်းချပြီး မီးအသင့်အတင့်နှင့် အရည်ပျစ်လာအောင်ချက်ပါ။
အရည်ပျစ်လာပြီဆို မီးပိတ်ကာ ငါးဖယ်ငရုတ်ပွများဆယ်ပြီး ပန်းကန်ထဲတွင်စီထည့်ပါ။ အနှစ်အရည်ကို အပေါ်မှဆမ်းလောင်းပါ။ ငရုတ်ပွငါးဖယ်အစာသွတ်လေး ရပါပြီနော်။
ချစ်မိတ်ဆွေမျာအားလုံး စိတ်၏ချမ်းသာခြင်း ကိုယ်၏ကျန်းမာခြင်းများနှင့် ပြည့်စုံနိုင်ကြပါစေရှင်။
